Bang Namun : Gue Bukan Orang Beken!
Te, gue heran banget waktu ke pasar kemaren. Sejek bujeg, baru kali enih gue diperatiin orang. Siang entu gue ke pasar buat beli pisang kepok. Bini gue demen banget ame tuh pisang. Dikolak enak, digoreng apelagi! Tapi nyang bikin gue kesel becampur malu, orang-orang pade ngeliatin gue aje… nape ye?
bang namun dalam salah satu gayenye (MT)
Ape mungkin gue udah jadi beken gare-gare elu sih Te, sering ngomongin gue di blog lu? Ah, mane mungkin orang kecil macem gue bisa beken. Apelagi cuman gare-gare sering diomongin MT, lah si MT-nye aje kagak beken, keblangsak!
Gue bilang ame si Kuro, tukang pisang, “Nape sih pade ngiatin gue kaye gitu?!”
Si Kuro cuma mesem aje.
“Eh, lu ngape? Jangan betingkah de!” Bentak gue ame si Kuro.
Si Kuro yang udeh 2 minggu jadi langganan gue, akire mao ngomong juga. Cuman aje, abis si Kuro ngomong, gue jadi tambah malu, tambah sale tingke! Lu tau kagak Te! Rupenye, orang-orang pade ngiatin gue lantaran gue belon sudah waktu nyukur kumis.
Sial dangkalan, ini gare-gare bini gue yang kagak sabaran! Waktu gue abis mandi, gue mao nyukur kumis, eh, die udah nyerocos, “Kalo kesorean ntar ude diembat orang tuh pisang!” Ya ude, gue langsung pegi. Eh gue lupe banget kalo belon sudah nyukur kumis. Baru kumis sebelah kanan gue aje. Nyang kiri rupenya masih mablang!
Pantes aje orang-orang sepasar pade ngiatin gue. Gue kire gue orang beken! Gak taunye …. ah dasar gue ude tue.
Eh Te, kapan lu mampir ke rume? Lebaran nti, kalo lu kagak dateng lagi, gue santet pake petasan kendi lu ye!
***
iklan : oya, blog MT sekarang bisa diakses pake android. download aja! 
huahahahaha
ya ampun bang Namun
emang pas nyukur gak kacain dulu gitu?
[Reply]
MT Reply:
April 9th, 2011 at 15:28
mungkin panik, mell karena bacot mpok geboy lebih dahsyat dari petasan teko :))
[Reply]
Bang Namun nyukurnye baru sepoteng ye
[Reply]
MT Reply:
April 10th, 2011 at 14:52
iye bang. kapan loncing bukunye? di talasblogor, kopdarmancing, atawe saungnyerat?
[Reply]
salam kenal bang namun. aye jg bukan orang beken
[Reply]
iklannya gak tahan
gimana caranya bikin .apk kang ?
[Reply]