Kepengen Umrah
Warung mpok Geboy rame banget. Banyak ibu-ibu majelis taklim, sekawanan mpok Geboy sedang ngerumpi sambil makan siang. Atau makan siang sambil ngerumpi? Nggak jelas. Mereka membahas topik umrah yang dihimbau oleh guru mereka, ustadzah mamih.
Ustadzah Mamih (biasanya dipanggil Mamih aja) mengajak murid-muridnya ikut program umrah hanya dengan membayar 3.5 juta Rupiah. Yang namanya emak-emak pengajian, mendapatkan tawaran umrah semurah itu, pasti tergiur. Apalagi yang mereka inginkan di akhir hayatnya selain umrah ataupun naik haji? Puluhan murid Mamih banyak mau ikut mendaftarkan diri sebagai peserta umrah.
“Emangnye Mamih mao nalangin biaye umroh kite, ye?” Tanya mpok Atun kepada teman sepengajian.
“Iye ngkali. Lha sejek bujeg, baru kali enih ade tawaran umroh murah. Ikut lo, Tun?” Jawab yang tadi ditanya mpok Atun.
“Ye ikut dah. Lha kapan lagi aye bisa naek haji atawe umroh kalo kaga ngikutin cara Mamih. Lagian gue ude kagak punye tanah nyang bisa dijual buat berangkat haji.” Jawab Mpok Atun.
“Gue mah, ude daptar dari maren-maren… udah 4 bulan kali.” Sela mpok Nonon sambil menyantap gado-gado buatan mpok Geboy.
“udah lama juga lu. Kapan lu berangkat?” Tanya mpok Atun.
“Tau dah. Kate Mamih, nunggu banyak yang ikutan dulu.”
“Pedes!” celetuk Mpok Haji Sabeni.
“Tadi mintanye pedes, mpok Haji” respons mpok Geboy sambil tetap ngulek gado-gado buat loyal customer lainnya.
“Lha, iye. Emang pedes. Gue mah kagak nape-nape. Pan biar gue puas aje, ngomong pedes.” Jawab Mpok Haji Sabeni.
“Mpok Haji, dulu biaye naek haji berape?” Tanya mpok Juleha yang sedari tadi cuman celingak-celinguk dengerin obrolan mpok Atun dan Mpok Nonon.
“Tau deh. Gue mah diurusin ame mantu gue. Jadi tinggal bawa diri aje… uuuzzz… pedes!” jawab mpok Haji Sabeni.
“Nah elu pegimane, mpok? Ngikut kagak?” Tanya mpok Juleha kepada mpok Geboy.
“Ah, gue mah kagak bakalan diijinin sama laki gue.” Jawab mpok Geboy.
“Jieee, mao naek aji aje pake ijin laki. Eni kan program majelis kite. Majelis taklim perempuan.” sambar mpok Nonon.
“Bukannye gitu, Non. Gue kagak mao ngikut lantaran laki gue kagak percaye kalo ada umroh cuman bayar 3.5 juta doangan.” Jawab mpok Geboy.
“Lha buktinye? Bulan depan Mamih berangkat tuh!” jawab mpok Nonon.
“Lha iye, kalo Mamih pan gampang, lha orang banyak murid-muridnye pade jadi donlen die.”
“Donlen… apaan tuh?”
“Donlen entu, orang nyang diajak buat ngikutin kemaoan aplen.”
“Si Aplen tuh siape? Lu kalo ngomong nyang jelas nape?!” desak mpok Nonon karena bingung banget dengan omongan mpok Geboy.
“Si aplen ya Mamih!” jawab mpok Geboy.
“Oooh… jadi kalo di majlis taklim laen, Mamih dipanggilnye Aplen… Ustadzah Aplen. Hehehe…. Bise aje dah si Mamih.” Jawab mpok Nonon karena merasa sudah paham siapa yang dimaksud aplen.
“Kayaknye kagak begitu deh maksudnye…” sambung Mpok Atun.
“Lha iye, maksud gue emang bukan kayak yang dipikirin si Nonon. Lu maklum aja dah…” jawab Mpok Geboy.
“Bukan gitu, mpok. Jadi maksud mpok, Mamih sebenere lagi MLM-in umroh nih? Gitu maksud, mpok?” desak Mpok Juleha.
“Lha iye. Pan laki gue sebelonnye juga udah pernah ditawarin sama si Jaja. Nama perusahaannye sama koq. Cuman aje laki gue kagak percaya ame yang namenye MLM. Kalo kate die sih, kagak masuk akal aje. Masa umroh cuman 3.5 juta. Selidik punye selidik, kagak taunye laki gue baru bisa umroh kalo bisa ngajak ampir 70 orang buat ikutan jadi donlennye. Lha, lu itung aje, 3.5 juta kali 70 orang. Ude berape duit tuh yang disetor ke perusahaannye Jaja.” Mpok Geboy njelasin.
“3.5 juta x 70…, lu kagak punya kalkulator, mpok?” pinta mpok Atun, penasaran.
“Jiaah, elu cuman itungan segitu aje pake kalkulator. Lagian mane ada warung gado-gado nyimpen kalkulator, lu kire warung kelontongan!” celetuk mpok Juleha.
“Iye, terus berape dong?” jawab mpok Atun.
“245 juta lah. Lha, gue pan pernah jadi guru matematika waktu muda.” Jawab mpok Juleha.
“Wiiih gile amat! Gede amat!” mpok Atun, mpok Atun, dan hampir semua ibu-ibu pengajian terkejut mendengar hasil perkalian dari mpok Juleha.
“kalo duit segitu mah, bisa ngeberangkatin berape orang!” Mpok Haji Sabeni ikut tercengang.
“Lha iye, ntu nyang bikin laki gue kagak mao ikutan. Jadi bukannye kite cuman bayar 3.5 juta doangan. Tapi kite nyari orang buat bayar segitu juga. Lha, akhire yang berangkat kan kagak semuanye. Cuman yang bisa ngumpulin donlen sesuai target.” Mpok Geboy mengulang penjelasan suaminya, Bang Namun.
“Wah berabe dong kalo begitu…” mpok Juleha manggut-manggut.
“Ya gitu deh… lha, buktinye si Jaja aje kayaknye udah kagak ngurusin MLM entu lagi. Udah pindah MLM laen lagi die.” Lanjut mpok Geboy.
“Lha, kenape?” Mpok Nonon mulai bimbang.
“Kate lagi gue sih, prustasih waktu si Jaja protes lantaran udah setaon kagak berangkat juga ke haji atawe umroh. Lha, kate aplen si Jaja gini…. Pake dong otaklo, mungkin kagak naek haji 3.5 juta…. Mangkenye cari orang dong biar lu bisa berangkat!” gitu sih kate laki gue.
“Waduh, jangan-jangan nasib gue bise kayak si Jaja nih. Pan gue mah cuman nyetor doang ke Mamih. Lha, kalo emang musti cari setoran, mbung dah. Wah wah…. Kalo gitu gue musti gimane nih?” bibir mpok Nonon makin jebleh.
kekekeeeeeee kocax
[Reply]
Assalamu’alaikum…
postingan asyik nih…
kalau lebih asyik tahu nggak mas cara.. umrah, tapi nggak pakai antri kloter indonesia atau naik haji nggak harus daftar di indonesia..
cara apa aja yang bisa..
kirim ke email saya ya..
[Reply]
MT Reply:
April 15th, 2011 at 16:41
wah maaf soal itu saya tak mengerti
[Reply]
sumpah. mulutku miring2 baca tulisan bang MT hahahahah….
[Reply]
MT Reply:
April 15th, 2011 at 16:43
berarti ikut senam mulut ala mpok geboy. Lies :))
[Reply]
255 jutanya itu mas hehehe mahal benaran atau kepengen mahal naik haji
[Reply]
MT Reply:
April 15th, 2011 at 16:44
ya kalo dipikir-pikir mending cara konvensional aja kali ya, pak?
[Reply]
busetdah entuh murid pada bengal ngomongin gurunye. belom prenah di sumpehin jadi batu kali ye wkwkwkwk
[Reply]
MT Reply:
April 15th, 2011 at 16:47
hehe.. iye bang.
maaf ye bang, kemaren kagak dateng 7 harian H. Umar, sodaranya bang Namun/mpok Geboy. kirim doa aje.
semoga almarhum mendapat tempat yg baik di sisi Tuhan
[Reply]
Nah lho, even Umroh dan Haji dijadiin MLM –”
[Reply]
MT Reply:
April 15th, 2011 at 16:48
nah gitu deh, Mift. btw di Bogor juga ada lho!
[Reply]
mantap nech…
[Reply]
MT Reply:
April 15th, 2011 at 16:49
gimane kabar Tebet, bang Husin? semoga nggak kena ulet bulu ye
[Reply]
Waduwh … Masih ada z ya orang yang pingin ibadah dengan cara mudah tanpa mikir secara rasional?
[Reply]
MT Reply:
April 16th, 2011 at 17:47
bahkan ibadah dibisniskan
[Reply]
Niatnya bagus.. kepingin Umrah…
http://ft.unand.ac.id
[Reply]
Niatnya bagus.. kepingin Umrah…
[Reply]
DItempat saya mau naik haji aja musti nunggu 7 tahun…
[Reply]